Өрийн занга буюу хонь хаших ажиллагаа

Сарын хоёр сая төгрөгийн орлоготой иргэн 900 мянган төгрөгийн зээл төлдөг гэж бодъё. Өр, орлогын 45 хувийн босгоор бол тэр хүн банкнаас нэмж зээл авах боломжгүй. Гэхдээ цалин буухаас өмнө хүүхдүүддээ ханиадны эм авах шаардлагатай. Энэ зардлаа тэр олох л ёстой. Түүний халаасанд утас, утсанд нь зээлийн апп бий. Харин аппликэйшнийн ард алгаа үрэн сууж буй “банк бус”-ууд асуудлыг нь шийдэж өгнө.